សុខដុមរមនីយកម្ម​ និងអំណាចទាំង៤

សុខដុមរមនីយកម្ម​ និងអំណាចទាំង៤របស់មនុស្ស​ខ្មែរ... 🙏🏾 

ដើម្បីសម្រេចដោះបញ្ហា​ ឆ្ពោះទៅកាន់ដំណោះស្រាយបាន លុះណាតែពលរដ្ឋគ្រប់ៗរូប សម្រេចបាននូវអំណាច ៤​ យ៉ាង​ ឬជំនាញខាងក្នុងខ្លួន ៤យ៉ាង។ ក្នុងការសម្រេចកិច្ចការប្រណិតសុវត្ថិភាពប្រចាំជីវិត ឲ្យបាន​គ្រប់ៗគ្នា ដោយ​ឯករាជ្យ​ មិនបៀតបៀនគ្នា ដើម្បីធ្វើទៅបាន គឺត្រូវបណ្តុះបណ្តាល​គុណជាតិ​ មនុស្សជាតិ​ អាចរស់សុខដុមរមនាជាមួយគ្នាបាន​ដោយការប្រណិប័ត្តប្រាកដមិនមែនទ្រឹស្តីខាងក្រៅមាន ១អាហារកិច្ច​ ២​អាជីវកិច្ចមុខរបរ​ ៣សុវត្ថិកិច្ច និងទី៤​ គឺ​ សន្តិ​កិច្ច​។ មនុស្ស​មិន​បានដឹង​ទេថា​ ខ្លួនមានអំណាចទាំង៤នេះគ្រប់ៗគ្នានៅក្នុងខ្លួន ទើបញុំាងខ្លួនឲ្យក្លាយជាជនរងគ្រោះនៃសង្គមរវាង​ ជនអ្នកបៀតបៀនញុះញង់អុជអាល និងជនអ្នករងគ្រោះត្រូវបានរំលោភបំពានកេងប្រវ័ញ្ចជាន់ឈ្លី​ ទាំងពីរពោលបែរនាំគ្នាទៅទទូចសុំអំណាចការពារ សុំយុត្តិធម៌ សុំឯករាជ្យ សុំសន្តិភាព ពីថ្នាក់ដឹកនាំ ពីសាសនា ពីសិទ្ធិសេរីភាព ពីច្បាប់នេះច្បាប់នោះ ពីបុគ្គលនេះបុគ្គលនោះទៅវិញ។ អំណាចត្រូវបង្កើតវាឡើងដោយខ្លួនឯងផ្ទាល់ មិនមានអាទិទេពអង្គណាមួយ ផ្តល់ឲ្យយើងជាមនុស្សឡើយ។ គ្មានអំណាចអ្វីអាចឲ្យមនុស្សស្អប់ខ្ពើមមនុស្សគ្នាឯងបានឡើយ បើមនុស្សនោះគ្មានសេចក្តីភ័យខ្លាច សេចក្តីស្អប់ខ្ពើមនៅក្នុងខ្លួនពួកគេ​ ។ ហេតុញុំាងមនុស្សអាចរស់នៅក្នុងសង្គមមួយ បានដោយសុខដុមរមនា មិនអាចចេះតែថានិយាយឲ្យមនុស្សរួមរស់ ឯកភាព​គ្នា មនុស្ស​ឯកភាព​នោះទេ​ គឺអាស្រ័យលើការរៀបចំសង្គមជាតិនីមួយៗ ត្រូវការ​បច្ចេកទេស​ដំណោះស្រាយ​ ឆ្លើយតបទៅនឹងបញ្ហា ឲ្យបានយ៉ាង​មុតមាំ​ ជ្រាលជ្រៅ​ក្នុងឫសគល់នៃបញ្ហាពិត។ 🙏🏾 

សំឡេងគាំពារតម្លៃមនុស្សជាតិ 

កម្ពុជា​ ខេត្តកណ្តាល,​ ថ្ងៃសៅរ៍​ ទី១១ ខែវិច្ឆកា ឆ្នាំ២០២៣