ការពិតនៅត្រង់ណា?

 រវាង​ល្អ​ និងអាក្រក់​

រវាងខុស និងត្រូវ

រវាងស្អប់ និងស្រឡាញ់

រវាងគុណ និងទោស

រវាងបុណ្យ និងបាប

រវាងចម្រើន​ និងវិនាស

ទាំងអស់នេះ សុទ្ធសឹងជាទ្វេធម៌

ដែលប្រទាញប្រទង់គ្នាទៅវិញទៅមក

រកទីបំផុត និងទីបញ្ចប់គ្មានទេ គឺហៅថាសង្សារវដ្ត។

... 

ជីវិតមនុស្សខ្លីណាស់ ធ្មេច​បើកៗ១០ឆ្នាំ កន្លងផុត ធ្មេចបើកៗ៥០ឆ្នាំ ទៅហើយ​ ជិតដល់វ័យដែលលោកយមរាជអញ្ជើញត្រឡប់ទៅវិញគ្រប់ៗគ្នា ​។

តើមនុស្សគប្បីរស់ជំពាក់នៅត្រង់កណ្តាលរវាងស្អប់ស្រឡាញ់ ខុសត្រូវ​ ​គុណទោស​ អ្នកនេះល្អ អ្នកនោះអាក្រក់ តទៅទៀតទេ?

បងប្អូនកូនក្មួយ 🙏🏾 មនុស្ស​អាស្រ័យគ្នាទៅវិញទៅមកដូចសម្លមួយឆ្នាំង សាច់អាស្រ័យបន្លែ បន្លែអាស្រ័យគ្រឿងផ្សំ គ្រឿងផ្សំអាស្រ័យចុងភៅទើបឆ្ងាញ់ពិសារ យើងគួរណាស់តែជ្រើសរើស សាច់ដែលមានគុណភាព បន្លែដែលមានគុណភាព គ្រឿងផ្សំដែលមានគុណភាព ចុងភៅដែលមានគុណភាព យោងគ្នា​អាស្រ័យគ្នា​នឹងគ្នាទៅវិញទៅមក​ ទើបញុំាងឲ្យសម្លមួយឆ្នាំងឆ្ងាញ់ពិសារ មានឱជារស​ និងមានគុណភាពទៅបាន។

សង្គម​មនុស្ស​ក៏​ដូចគ្នា​ ប្រៀបបាននឹងសម្លមួយឆ្នាំង ដែលត្រូវការចុងភៅចំណាន មក​ចាត់ចែង​ រៀបចំ​ គ្រប់គ្រង​ និងអនុវត្តនាការនៅក្នុងផ្ទះបាយ។

... 

ចង់បានសម្លមានគុណភាព ត្រូវជ្រើសរើសចុងភៅ មានគុណភាព

ចង់បានសង្គមមួយដែលមានគុណភាព គឺត្រូវការបុគ្គលដែលជា​អ្នក​រស់ក្នុងសង្គម​ម្នាក់​ៗ ជាមនុស្សដែលពោរពេញដោយគុណភាព។ 🙏🏾​ តើអស់លោកអ្នកនាងកញ្ញា រួមទាំងខ្ញុំផង មានដែលយកពេលបន្តិចបន្តួច មកពិនិត្យពិច័យខ្លួនអាត្មាអញ ថាជាមនុស្សមានគុណភាព ហើយឬនៅ សម្រាប់ត្រៀមខ្លួនរស់នៅក្នុងសង្គមមួយ ដែលពោរពេញដោយសុខដុមរមនា សុភមង្គល​ សុវត្ថិភាព​ពេញលេញ​ឥតចន្លោះនោះ ជាសង្គមមនុស្សពិតរស់នៅនោះ? 🙏🏾